పాతికేళ్ళ తరువాత భోపాల్ తీర్పు

భోపాల్ గ్యాస్ లీకేజీ కేసులో 26 ఏళ్ల తర్వాత స్థానిక కోర్టు సోమవారం తుది తీర్పు వెలువరించింది. ఈ కేసులో ఎనిమిది మందిని కోర్టు దోషులుగా నిర్ధారించింది. వారికి శిక్షలను ఖరారు చేయాల్సి ఉంది. రెండేళ్ల చొప్పున జైలు శిక్ష, భారీగా జరిమానా పడే అవకాశాలున్నాయి. తీవ్ర నిర్లక్ష్యానికి గాను ఎనిమిది నిందితులను కోర్టు దోషులుగా ప్రకటించింది. వారిలో పరారీలో ఉన్న యూనియన్ కార్బైడ్ కు చెందిన వారెన్ అండర్సన్ కూడా ఉన్నాడు.



1984 డిసెంబర్ 2వ తేదీన పెద్ద యెత్తున గ్యాస్ లీకైంది. రాత్రి పది గంటల సమయంలో ఈ దుర్ఘటన సంభవించింది. ఈ దుర్ఘటనలో 15 వేల మంది దాకా మరణించారు. ఐదు లక్షల మంది దాకా శ్వాసకోశ సంబంధమైన వ్యాధులకు గురయ్యారు. వేలాది మంది వికలాంగులయ్యారు.

****