సత్యశోధన

మొన్నే తెలిసింది !
కానీ, ఈ రోజది లేదు.
సత్యం నిత్యమంటారు.
మరైతే మొన్నతెలిసింది ఈ రోజు మారిందే ?

తెలిసొచ్చిన సత్యమే ప్రమాణంగా
మిగతా నిజాల్ని కొలవాలనుకున్నాను.
సత్యమే సందేహాస్పదం అయ్యాక,
కొలవడానికి ఏమీ మిగల్లేదు !

సత్యం నిత్యం కాదనే నిజం
అనునిత్యం తెలుసుకోవడమే సత్యమా !
అయితే,
ఈ సత్యాన్ని తెలుసుకోవడానికి
మనిషి పడే కష్టమెంత?
అడ్డుకుని మాయమాటలు చెప్పి
మోసగించే ఈ సమాజానికి
నిజంవల్ల కలిగే నష్టమెంత?

అద్దంలో ఓసారి చూసుకుని
నా సత్యాన్ని నేను వెతుక్కోవాలి.
ఎక్కడపోగొట్టుకున్నానో అక్కడే సాధించాలి.
అనుక్షణం శోధించాలి.

***